Er forsetaframbjóðendum umhugað um dýravernd? Árni Stefán Árnason skrifar 27. apríl 2024 10:30 Ég hef það á tilfinningunni að public persons á Íslandi finnist það hallærislegt að tala opinberlega um dýravernd. Í henni gæti falist gagnrýni, sem er ekki til vinsælda fallin hjá stjórnvöldum og neytendum búfjárafurði. Það er fremur hallærisleg sjálfhverfa. Tveir merkir Íslendingar eru þó ekki undir þá sök seldir, forseti Íslands herra Guðni Th. Jóhannesson og Tryggvi Gunnarsson fyrrverandi þing og athafnamaður. Meira um það síðar. Forsetaframbjóðendur hafa verið duglegir að gagnrýna ýmsar meinsemdir í íslensku samfélagi sem þeir telja að mikilvægt að bregðast við og beita sér gegn fái þeir kosningu auk þess auðvitað að byggja undir það sem gott er og er fjölmargt. Sumir ganga lengra en aðrir. Sumir telja það eitt af mikilvægustu hlutverkum forsetans að setja hemil á tvær greinar ríkisvaldsins, löggjafann og framkvæmdarvaldið, láti þjóðin verulega óánægju sína í ljós. Með þessu vilja þeir verða svokölluð brú á milli þings og þjóðar. Ekki er annað að heyra á þeim en að flestir telji þeir verulega spillingu í landsstjórninni og nefna nokkrir ýmsa málaflokka í því sambandi, með réttu, að mínu mati. Allir eru þeir sammála um að það bera að vernda samfélagið í heild sinni þ.m.t náttúru landsins og einn frambjóðandi hefur gengið svo langt að skilgreina, óbeint, annan frambjóðanda, sem landráðamann með því að stuðla að færslu lands, sjávar og auðlinda til erlendra auðmanna. Annar frambjóðandi hefur dug og kjark til þess að draga klettinn í þjóðtrú Íslendinga, kristnina, inn í sína kosningabarráttu og hikar ekki við að tengja Jesú Krist við framboð sitt. Það finnst mér persónulega, sem kristnum manni, mjög virðingarvert. Ég hef hlustað vandlega á málflutning þeirra frambjóðenda, sem nú liggur fyrir að taki þátt í komandi baráttu því ég tel forsetaembættið vanmetið í þeim skilningi að vald forsetans, skv. II kafla stjórnarskrár lýðveldisins sé miklu meira en flestir telja sér trú um. Ekki einn einasti frambjóðandi, en þeir virðast allir vilja berjast fyrir allt til hinna allra smæstu í samfélaginu, hefur minnst á það að á meðal þeirra allra smæstu er íslenskt búfé, sem meira að segja njóta réttarstöðu skv. ákvörðun Alþingis með setningu laga um velferð dýra. M.ö.o þá er það vilji þingsins og þ.m.t þjóðarinnar að velferðar allra dýra, sem lögin fjalla um, sé gætt til hins ýtrasta. Greind allra frambjóðanda sýnist mér bara vera með hreinum ágætum og ef þeir vilja láta sig samfélagið allt varða og velferð þess þá blasir það auðvitað við að bæta dýralífinu öllu við í þann pakka og leggja áherslu á það. Sú áhersla er ekki fyrir hendi í dag en nú hefst kosningabarátta og ég ber þá von í brjósti að frambjóðendur taki sig nú á og taki dýrin undir sinn verndarvæng eða eins og einn af okkar virtustu þingmönnum eftir aldamótin 1900, Tryggvi Gunnarsson (1835-1917) gerði en um hann stendur skrifað á minnisvarða í Alþingisgarðinum: Og það er víst, ef dýrin mættu mæla, þá mundi verða blessað nafnið þitt Tryggvi var upphafsmaður dýraverndar á Íslandi og í Færeyjum. Hann reisti t.d. spjöld meðfram vegunum frá Reykjavík hvar á var ritað: Gefið hestunum að drekka, svo fátt eitt sé nefnt. Lesa má um afrek Tryggva í 100 ára minningargrein um hann í Fálkinn, 8. árgangur 1935 tölublað 42. Máske forsetaframbjóðendur teldur sig hafa gagn af því.(https://timarit.is/page/4354900#page/n3/mode/2up)Já og þingið sjálft, eftir dauða Tryggva, sá ástæðu til þess að reisa þennan minnisvarða. Því miður hefur áherslum þingsins hrakað í dag. Ljósmyndir úr umræddri minningargrein í Fálkanum Forseti Íslands, herra Guðni Th. Jóhannesson gæti þannig verið núverandi frambjóðendum viss fyrirmynd en á vef forsetaembættisins er að finna þessa frétt og ljósmynd frá 10. jan. 2024. ,,Forseti tekur á móti sjálfboðaliðum á vegum dýraverndarsamtaka sem komu að björgun gæludýra og annarra skepna þegar Almannavarnir lýstu yfir neyðarástandi í Grindavík í nóvember. Hátt í 300 dýrum var bjargað úr Grindavík og komið í hendur eigenda þeirra nokkrum dögum eftir að bærinn var rýmdur. Dýraverndunarsamtök héldu utan um lista yfir þau dýr sem urðu eftir, auk þess sem sjálfboðaliðar fengu leyfi til þess að fara inn í bæinn, taka þátt í leit að dýrunum og í sumum tilfellum fara inn á heimili gæludýraeigenda til að sækja dýrin. Að aðgerðunum stóðu samtökin Dýrfinna, Dýrahjálp Íslands, Villikettir, Villikanínur, Kattholt og The Bambi Foundation, með stuðningi frá Dýraþjónustu Reykjavíkur og Dýraverndarsambandi Íslands. Forseti færði sjálfboðaliðunum þakkir fyrir ósérhlífið starf í þágu dýra og ræddi við gestina um umbætur í dýrahaldi á Íslandi"Ég ber þá von í brjósti að frambjóðendur taki nú velferð dýra inn í málflutning sinn í komandi kosningabarráttu því það hefur aldrei verið brýnna en nú þegar dýravinir eru fyrir hönd margar dýra að berjast við stjórnvöld sem hreinlega leggja ekki við hlustir lengur. Opinber dýravernd hefur aldrei verið jafn slæm og hún er í dag. Höfundur er dýraverndarlögfræðingur. Viltu birta grein á Vísi? Sendu okkur póst. Senda grein Skoðun: Forsetakosningar 2024 Árni Stefán Árnason Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Heilbrigðiskerfi Íslands - Tími fyrir lausnir! Victor Gudmundsson Skoðun Hvers vegna þurfti að farga bókinni? Hjörtur J. Guðmundsson Skoðun Banvænt aðgerðarleysi Tómas A. Tómasson Skoðun Menntamorð Ingólfur Gíslason Skoðun „Brandarinn er búinn!“ María Heba Þorkelsdóttir Skoðun Katrín kann sig Aðalheiður Björk Olgudóttir Skoðun Hjarta umhverfismála Margrét Júlía Rafnsdóttir Skoðun Ísland hástökkvari í málefnum hinsegin fólks Guðmundur Ingi Guðbrandsson Skoðun Forseti sem svarar á mannamáli Erna Ástþórsdóttir Skoðun Náttúruminjasafn Íslands má sinna sýningahaldi! Hilmar J. Malmquist Skoðun Skoðun Skoðun Forsetinn má ekki fara á taugum Gísli Jökull Gíslason skrifar Skoðun „Brandarinn er búinn!“ María Heba Þorkelsdóttir skrifar Skoðun Katrín kann sig Aðalheiður Björk Olgudóttir skrifar Skoðun Löggæsla er mikilvæg grunnþjónusta við fólkið í landinu Þorbjörg S. Gunnlaugsdóttir skrifar Skoðun Menntamorð Ingólfur Gíslason skrifar Skoðun Náttúruminjasafn Íslands má sinna sýningahaldi! Hilmar J. Malmquist skrifar Skoðun Hvers vegna þurfti að farga bókinni? Hjörtur J. Guðmundsson skrifar Skoðun Hjarta umhverfismála Margrét Júlía Rafnsdóttir skrifar Skoðun Hugsjónir og fræðimennska – einstakt veganesti Baldurs í embætti forseta Íslands Rannveig Traustadóttir skrifar Skoðun Ísland hástökkvari í málefnum hinsegin fólks Guðmundur Ingi Guðbrandsson skrifar Skoðun Banvænt aðgerðarleysi Tómas A. Tómasson skrifar Skoðun Viltu koma í ferðalag? Guðmundur Björnsson skrifar Skoðun „Ég kýs homma“ Óli Gunnar Gunnarsson skrifar Skoðun Forseti sem svarar á mannamáli Erna Ástþórsdóttir skrifar Skoðun Hugrekki Vilborg Gunnarsdóttir skrifar Skoðun Afvegaleiðing SFS? Friðleifur Egill Guðmundsson skrifar Skoðun Jón Gnarr fyrir dýraverndina Árni Stefán Árnason skrifar Skoðun Mannréttindastofnun verður að veruleika Jódís Skúladóttir skrifar Skoðun Samstarf við landsbyggðina Sævar Þór Halldórsson skrifar Skoðun Lausnin út í mýri? Álfhildur Leifsdóttir,Hólmfríður Sigþórsdóttir skrifar Skoðun Takk Ísland fyrir upplýsandi kosningabaráttu! Tómas Ellert Tómasson skrifar Skoðun Forseti sem gefur kjark og von Mamiko Dís Ragnarsdóttir skrifar Skoðun Við unga fólkið viljum fá sæti við borðið Selma Rós Axelsdóttir skrifar Skoðun Heilbrigðiskerfi Íslands - Tími fyrir lausnir! Victor Gudmundsson skrifar Skoðun Offita er langvinnur sjúkdómur Hópur fólks í stjórn Félags fagfólks um offitu skrifar Skoðun Reykjavíkurborg svíkur íbúa Laugardals Grétar Már Axelsson skrifar Skoðun Mynda þurfti ríkisstjórn Hjörtur J. Guðmundsson skrifar Skoðun Kletturinn Katrín Júlía Margrét Alexandersdóttir skrifar Skoðun Nýsköpun er svarið Nótt Thorberg skrifar Skoðun Aleinn í heiminum? Lukka Sigurðardóttir,Katrín Harðardóttir ,Margrét Kristín Blöndal skrifar Sjá meira
Ég hef það á tilfinningunni að public persons á Íslandi finnist það hallærislegt að tala opinberlega um dýravernd. Í henni gæti falist gagnrýni, sem er ekki til vinsælda fallin hjá stjórnvöldum og neytendum búfjárafurði. Það er fremur hallærisleg sjálfhverfa. Tveir merkir Íslendingar eru þó ekki undir þá sök seldir, forseti Íslands herra Guðni Th. Jóhannesson og Tryggvi Gunnarsson fyrrverandi þing og athafnamaður. Meira um það síðar. Forsetaframbjóðendur hafa verið duglegir að gagnrýna ýmsar meinsemdir í íslensku samfélagi sem þeir telja að mikilvægt að bregðast við og beita sér gegn fái þeir kosningu auk þess auðvitað að byggja undir það sem gott er og er fjölmargt. Sumir ganga lengra en aðrir. Sumir telja það eitt af mikilvægustu hlutverkum forsetans að setja hemil á tvær greinar ríkisvaldsins, löggjafann og framkvæmdarvaldið, láti þjóðin verulega óánægju sína í ljós. Með þessu vilja þeir verða svokölluð brú á milli þings og þjóðar. Ekki er annað að heyra á þeim en að flestir telji þeir verulega spillingu í landsstjórninni og nefna nokkrir ýmsa málaflokka í því sambandi, með réttu, að mínu mati. Allir eru þeir sammála um að það bera að vernda samfélagið í heild sinni þ.m.t náttúru landsins og einn frambjóðandi hefur gengið svo langt að skilgreina, óbeint, annan frambjóðanda, sem landráðamann með því að stuðla að færslu lands, sjávar og auðlinda til erlendra auðmanna. Annar frambjóðandi hefur dug og kjark til þess að draga klettinn í þjóðtrú Íslendinga, kristnina, inn í sína kosningabarráttu og hikar ekki við að tengja Jesú Krist við framboð sitt. Það finnst mér persónulega, sem kristnum manni, mjög virðingarvert. Ég hef hlustað vandlega á málflutning þeirra frambjóðenda, sem nú liggur fyrir að taki þátt í komandi baráttu því ég tel forsetaembættið vanmetið í þeim skilningi að vald forsetans, skv. II kafla stjórnarskrár lýðveldisins sé miklu meira en flestir telja sér trú um. Ekki einn einasti frambjóðandi, en þeir virðast allir vilja berjast fyrir allt til hinna allra smæstu í samfélaginu, hefur minnst á það að á meðal þeirra allra smæstu er íslenskt búfé, sem meira að segja njóta réttarstöðu skv. ákvörðun Alþingis með setningu laga um velferð dýra. M.ö.o þá er það vilji þingsins og þ.m.t þjóðarinnar að velferðar allra dýra, sem lögin fjalla um, sé gætt til hins ýtrasta. Greind allra frambjóðanda sýnist mér bara vera með hreinum ágætum og ef þeir vilja láta sig samfélagið allt varða og velferð þess þá blasir það auðvitað við að bæta dýralífinu öllu við í þann pakka og leggja áherslu á það. Sú áhersla er ekki fyrir hendi í dag en nú hefst kosningabarátta og ég ber þá von í brjósti að frambjóðendur taki sig nú á og taki dýrin undir sinn verndarvæng eða eins og einn af okkar virtustu þingmönnum eftir aldamótin 1900, Tryggvi Gunnarsson (1835-1917) gerði en um hann stendur skrifað á minnisvarða í Alþingisgarðinum: Og það er víst, ef dýrin mættu mæla, þá mundi verða blessað nafnið þitt Tryggvi var upphafsmaður dýraverndar á Íslandi og í Færeyjum. Hann reisti t.d. spjöld meðfram vegunum frá Reykjavík hvar á var ritað: Gefið hestunum að drekka, svo fátt eitt sé nefnt. Lesa má um afrek Tryggva í 100 ára minningargrein um hann í Fálkinn, 8. árgangur 1935 tölublað 42. Máske forsetaframbjóðendur teldur sig hafa gagn af því.(https://timarit.is/page/4354900#page/n3/mode/2up)Já og þingið sjálft, eftir dauða Tryggva, sá ástæðu til þess að reisa þennan minnisvarða. Því miður hefur áherslum þingsins hrakað í dag. Ljósmyndir úr umræddri minningargrein í Fálkanum Forseti Íslands, herra Guðni Th. Jóhannesson gæti þannig verið núverandi frambjóðendum viss fyrirmynd en á vef forsetaembættisins er að finna þessa frétt og ljósmynd frá 10. jan. 2024. ,,Forseti tekur á móti sjálfboðaliðum á vegum dýraverndarsamtaka sem komu að björgun gæludýra og annarra skepna þegar Almannavarnir lýstu yfir neyðarástandi í Grindavík í nóvember. Hátt í 300 dýrum var bjargað úr Grindavík og komið í hendur eigenda þeirra nokkrum dögum eftir að bærinn var rýmdur. Dýraverndunarsamtök héldu utan um lista yfir þau dýr sem urðu eftir, auk þess sem sjálfboðaliðar fengu leyfi til þess að fara inn í bæinn, taka þátt í leit að dýrunum og í sumum tilfellum fara inn á heimili gæludýraeigenda til að sækja dýrin. Að aðgerðunum stóðu samtökin Dýrfinna, Dýrahjálp Íslands, Villikettir, Villikanínur, Kattholt og The Bambi Foundation, með stuðningi frá Dýraþjónustu Reykjavíkur og Dýraverndarsambandi Íslands. Forseti færði sjálfboðaliðunum þakkir fyrir ósérhlífið starf í þágu dýra og ræddi við gestina um umbætur í dýrahaldi á Íslandi"Ég ber þá von í brjósti að frambjóðendur taki nú velferð dýra inn í málflutning sinn í komandi kosningabarráttu því það hefur aldrei verið brýnna en nú þegar dýravinir eru fyrir hönd margar dýra að berjast við stjórnvöld sem hreinlega leggja ekki við hlustir lengur. Opinber dýravernd hefur aldrei verið jafn slæm og hún er í dag. Höfundur er dýraverndarlögfræðingur.
Skoðun Löggæsla er mikilvæg grunnþjónusta við fólkið í landinu Þorbjörg S. Gunnlaugsdóttir skrifar
Skoðun Hugsjónir og fræðimennska – einstakt veganesti Baldurs í embætti forseta Íslands Rannveig Traustadóttir skrifar