Utan vallar: Hanskinn passaði inn á vellinum Henry Birgir Gunnarsson skrifar 12. apríl 2024 10:00 OJ ávarpar fólkið á heimavelli Buffalo Bills. vísir/getty Einn umdeildasti einstaklingur síðustu áratuga, OJ Simpson, er fallinn frá. Magnaður íþróttamaður og morðingi í hugum flestra. Það vita flestir hver OJ er og þá aðallega af því að hann var sakaður um að myrða tvær manneskjur. Fyrrum eiginkonu sína, Nicole Brown, og vin hennar Ron Goldman. Flest hugsandi fólk sem hefur kynnt sér það mál vel er sannfært um að OJ var morðingi. Það er með hreinum ólíkindum að hann hafi gengið laus eftir þann verknað. Lögfræðiteymi hans spilaði vel inn á andrúmsloftið í Bandaríkjunum á þeim tíma og vann kraftaverk í að halda honum utan veggja fangelsis. Ég var nemi í Bandaríkjunum kvöldið sem hann var á hvíta Broncoinum með alla lögregluna í LA á eftir sér. Íþróttafíkillinn ég var að horfa á úrslit NBA-deildarinnar og ég mun aldrei gleyma því er skipt var af leiknum yfir á eltingarleikinn. Myndin sem flestir muna eftir er þeir hugsa um OJ. Hvítur Bronco sem vinur Simpson, Al Cowlings, keyrir og aftur í liggur OJ. Löggan á eftir honum. Er þeir keyrðu um götur LA þusti fólk út á götur með skilti til stuðnings OJ.vísir/getty Eftir það snérist allt í Bandaríkjunum um OJ og það var eftirminnilegt að fylgjast með. Í skólanum var hreinlega ekki talað um annað næstu vikurnar og lítið annað komst að í fjölmiðlum. Ég man ekki eftir öðru eins. Mynd af OJ í réttarsalnum prýddi svo forsíðu íþróttatímaritsins Sports Illustrated. Áhuginn á málinu var slíkur að hann var eflaust líka á forsíðum prjónablaða. Þetta var fjölmiðlafár af skala sem ekki þekktist áður. Fyrir eltingarleikinn var OJ stjarna og hetja í Bandaríkjunum. Einstakt hæfileikabúnt sem hafði slegið í gegn í NFL-deildinni og síðar sem leikari. Má eflaust deila um hversu góður leikur hans var í The Naked Gun en hann var klárlega ein af stjörnum þeirrar vinsælu myndar. Það er sturluð staðreynd að hann kom til greina að leika The Terminator en blessunarlega var Arnold Schwarzenegger valinn til þess arna. OJ með hin eftirsóttu Heisman-verðlaun. Þarna blasti við honum björt framtíð.vísir/getty Í þessum pistli ætla ég að segja ykkur aðeins frá íþróttamanninum OJ en hann er einn besti hlaupari sögunnar í NFL-deildinni. OJ spilaði sinn háskólabolta með USC í Kaliforníu og fékk hin eftirsóttu Heisman-verðlaun í háskólaboltanum. Afar virt verðlaun sem besti háskólaleikmaðurinn í amerískum fótbolta fær á hverju ári. Það var snemma ljóst að hans beið glæst framtíð í boltanum. Þar passaði hanskinn fullkomlega ólíkt því sem hann gerði í réttarsalnum um árið. Hann var valinn fyrstur í nýliðavalinu árið 1969 af Buffalo Bills og fékk stærsta samning sem íþróttamaður hafði þá fengið í Bandaríkjunum. Hann spilaði nánast allan sinn feril í NFL-deildinni með félaginu. Hann var hlaupari og var valinn besti leikmaður deildarinnar árið 1973. Það var hans langbesta ár. Hann var fimm sinnum í úrvalsliði deildarinnar, fjórum sinnum hljóp hann mest allra í deildinni og tvisvar sinnum skoraði hann flest snertimörk allra. Arfleifð OJ í boltanum mun lifa í Buffalo.vísir/getty Hann var fyrstur til þess að hlaupa yfir 2.000 jarda og er sá eini í sögunni sem gerði það á fjórtán leikja tímabili. Það gerði hann líka í slöku liði Bills sem hann bar á herðunum. Liðið var það slakt að hann spilaði aðeins einn leik í úrslitakeppni allan ferilinn. Eitt tímabilið var hann með yfir 143 jarda að meðaltali í leik sem er eitt af hans glæsilegustu metum sem verður líklega aldrei slegið. OJ var óstöðvandi afl þegar hann var upp á sitt besta. Ég var staddur í Buffalo síðasta haust og arfleifð hans þar sem fótboltamanns er ekki gleymd. Nafnið hans er í stórum stöfum inn á heimavelli félagsins og hann verður alltaf í miklum metum þar vegna þess sem hann gerði fyrir félagið. Hann átti magnaðan feril sem kom honum alla leið í heiðurshöll NFL-deildarinnar í Canton. Það er þó ekki þessi glæsti ferill sem fólk man eftir að honum gengnum. NFL Utan vallar Mest lesið Úr húsvarðarstarfi í atvinnumennsku Handbolti Rooney segir United losa sig við nær allan leikmannahópinn Enski boltinn Slys á æfingu fyrir fjórum árum er enn að eyðileggja fyrir Söru Sport Einbeitir sér að því að komast í NBA frekar en að spila með pabba sínum Körfubolti „Núna ætla ég að klára þetta þar sem þetta er síðasta tímabilið mitt hérna“ Sport Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Tiger trúir enn á sjálfan sig: „Líður enn eins og ég geti unnið golfmót“ Golf Neitaði að svara spurningum um skilnaðinn Sport Gerir sér grein fyrir erfiðu tímabili: „Þið eruð bestu stuðningsmenn í heimi“ Enski boltinn „Þetta var eitt það erfiðasta sem ég hef farið í gegnum“ Sport Fleiri fréttir Feðgar þjálfa Breiðablik: „Gott fyrir okkur báða að vera saman“ Neitaði að svara spurningum um skilnaðinn Slys á æfingu fyrir fjórum árum er enn að eyðileggja fyrir Söru Doncic rankaði við sér og Dallas einum sigri frá úrslitum Vestursins Úr húsvarðarstarfi í atvinnumennsku Rooney segir United losa sig við nær allan leikmannahópinn Einbeitir sér að því að komast í NBA frekar en að spila með pabba sínum Dagskráin í dag: Úrslitin hefjast í Subway-deild kvenna Tiger trúir enn á sjálfan sig: „Líður enn eins og ég geti unnið golfmót“ Gerir sér grein fyrir erfiðu tímabili: „Þið eruð bestu stuðningsmenn í heimi“ Birna með slitið krossband og missir af úrslitaeinvíginu „Núna ætla ég að klára þetta þar sem þetta er síðasta tímabilið mitt hérna“ „Þetta var eitt það erfiðasta sem ég hef farið í gegnum“ „Þetta var ótrúlega erfitt“ Uppgjörið og viðtöl: Valur - Afturelding 27-29 | Mosfellingar í úrslit Vlahovic tryggði Juventus bikarmeistaratitilinn United lyfti sér upp að hlið Newcastle Evrópudraumurinn lifir góðu lífi eftir fjórða sigurinn í röð KA sneri taflinu við í seinni hálfleik Gísli lagði upp í Íslendingaslag og Elfsborg vann risasigur Teitur skoraði fimm og Flensburg heldur naumlega í við toppliðin Uppgjörið og viðtöl: Fylkir - Breiðablik 0-2 | Blikar enn með fullt hús Ásdís Karen kom Lilleström á bragðið Kjósa um hvort notkun VAR verði hætt Uppgjörið: Þróttur - Víkingur 0-1 | Þróttarar enn án sigurs Everton boðið neyðarlán til að klára nýja heimavöllinn Gæti haldið áfram eftir allt saman Jens fyllir í stóra skó Sigfúsar Ægis hjá TBR FIFA íhugar að leyfa deildarleiki í öðrum löndum Félagaskiptaglugganum lokað fyrr en vanalega í sumar Sjá meira
Það vita flestir hver OJ er og þá aðallega af því að hann var sakaður um að myrða tvær manneskjur. Fyrrum eiginkonu sína, Nicole Brown, og vin hennar Ron Goldman. Flest hugsandi fólk sem hefur kynnt sér það mál vel er sannfært um að OJ var morðingi. Það er með hreinum ólíkindum að hann hafi gengið laus eftir þann verknað. Lögfræðiteymi hans spilaði vel inn á andrúmsloftið í Bandaríkjunum á þeim tíma og vann kraftaverk í að halda honum utan veggja fangelsis. Ég var nemi í Bandaríkjunum kvöldið sem hann var á hvíta Broncoinum með alla lögregluna í LA á eftir sér. Íþróttafíkillinn ég var að horfa á úrslit NBA-deildarinnar og ég mun aldrei gleyma því er skipt var af leiknum yfir á eltingarleikinn. Myndin sem flestir muna eftir er þeir hugsa um OJ. Hvítur Bronco sem vinur Simpson, Al Cowlings, keyrir og aftur í liggur OJ. Löggan á eftir honum. Er þeir keyrðu um götur LA þusti fólk út á götur með skilti til stuðnings OJ.vísir/getty Eftir það snérist allt í Bandaríkjunum um OJ og það var eftirminnilegt að fylgjast með. Í skólanum var hreinlega ekki talað um annað næstu vikurnar og lítið annað komst að í fjölmiðlum. Ég man ekki eftir öðru eins. Mynd af OJ í réttarsalnum prýddi svo forsíðu íþróttatímaritsins Sports Illustrated. Áhuginn á málinu var slíkur að hann var eflaust líka á forsíðum prjónablaða. Þetta var fjölmiðlafár af skala sem ekki þekktist áður. Fyrir eltingarleikinn var OJ stjarna og hetja í Bandaríkjunum. Einstakt hæfileikabúnt sem hafði slegið í gegn í NFL-deildinni og síðar sem leikari. Má eflaust deila um hversu góður leikur hans var í The Naked Gun en hann var klárlega ein af stjörnum þeirrar vinsælu myndar. Það er sturluð staðreynd að hann kom til greina að leika The Terminator en blessunarlega var Arnold Schwarzenegger valinn til þess arna. OJ með hin eftirsóttu Heisman-verðlaun. Þarna blasti við honum björt framtíð.vísir/getty Í þessum pistli ætla ég að segja ykkur aðeins frá íþróttamanninum OJ en hann er einn besti hlaupari sögunnar í NFL-deildinni. OJ spilaði sinn háskólabolta með USC í Kaliforníu og fékk hin eftirsóttu Heisman-verðlaun í háskólaboltanum. Afar virt verðlaun sem besti háskólaleikmaðurinn í amerískum fótbolta fær á hverju ári. Það var snemma ljóst að hans beið glæst framtíð í boltanum. Þar passaði hanskinn fullkomlega ólíkt því sem hann gerði í réttarsalnum um árið. Hann var valinn fyrstur í nýliðavalinu árið 1969 af Buffalo Bills og fékk stærsta samning sem íþróttamaður hafði þá fengið í Bandaríkjunum. Hann spilaði nánast allan sinn feril í NFL-deildinni með félaginu. Hann var hlaupari og var valinn besti leikmaður deildarinnar árið 1973. Það var hans langbesta ár. Hann var fimm sinnum í úrvalsliði deildarinnar, fjórum sinnum hljóp hann mest allra í deildinni og tvisvar sinnum skoraði hann flest snertimörk allra. Arfleifð OJ í boltanum mun lifa í Buffalo.vísir/getty Hann var fyrstur til þess að hlaupa yfir 2.000 jarda og er sá eini í sögunni sem gerði það á fjórtán leikja tímabili. Það gerði hann líka í slöku liði Bills sem hann bar á herðunum. Liðið var það slakt að hann spilaði aðeins einn leik í úrslitakeppni allan ferilinn. Eitt tímabilið var hann með yfir 143 jarda að meðaltali í leik sem er eitt af hans glæsilegustu metum sem verður líklega aldrei slegið. OJ var óstöðvandi afl þegar hann var upp á sitt besta. Ég var staddur í Buffalo síðasta haust og arfleifð hans þar sem fótboltamanns er ekki gleymd. Nafnið hans er í stórum stöfum inn á heimavelli félagsins og hann verður alltaf í miklum metum þar vegna þess sem hann gerði fyrir félagið. Hann átti magnaðan feril sem kom honum alla leið í heiðurshöll NFL-deildarinnar í Canton. Það er þó ekki þessi glæsti ferill sem fólk man eftir að honum gengnum.
NFL Utan vallar Mest lesið Úr húsvarðarstarfi í atvinnumennsku Handbolti Rooney segir United losa sig við nær allan leikmannahópinn Enski boltinn Slys á æfingu fyrir fjórum árum er enn að eyðileggja fyrir Söru Sport Einbeitir sér að því að komast í NBA frekar en að spila með pabba sínum Körfubolti „Núna ætla ég að klára þetta þar sem þetta er síðasta tímabilið mitt hérna“ Sport Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Tiger trúir enn á sjálfan sig: „Líður enn eins og ég geti unnið golfmót“ Golf Neitaði að svara spurningum um skilnaðinn Sport Gerir sér grein fyrir erfiðu tímabili: „Þið eruð bestu stuðningsmenn í heimi“ Enski boltinn „Þetta var eitt það erfiðasta sem ég hef farið í gegnum“ Sport Fleiri fréttir Feðgar þjálfa Breiðablik: „Gott fyrir okkur báða að vera saman“ Neitaði að svara spurningum um skilnaðinn Slys á æfingu fyrir fjórum árum er enn að eyðileggja fyrir Söru Doncic rankaði við sér og Dallas einum sigri frá úrslitum Vestursins Úr húsvarðarstarfi í atvinnumennsku Rooney segir United losa sig við nær allan leikmannahópinn Einbeitir sér að því að komast í NBA frekar en að spila með pabba sínum Dagskráin í dag: Úrslitin hefjast í Subway-deild kvenna Tiger trúir enn á sjálfan sig: „Líður enn eins og ég geti unnið golfmót“ Gerir sér grein fyrir erfiðu tímabili: „Þið eruð bestu stuðningsmenn í heimi“ Birna með slitið krossband og missir af úrslitaeinvíginu „Núna ætla ég að klára þetta þar sem þetta er síðasta tímabilið mitt hérna“ „Þetta var eitt það erfiðasta sem ég hef farið í gegnum“ „Þetta var ótrúlega erfitt“ Uppgjörið og viðtöl: Valur - Afturelding 27-29 | Mosfellingar í úrslit Vlahovic tryggði Juventus bikarmeistaratitilinn United lyfti sér upp að hlið Newcastle Evrópudraumurinn lifir góðu lífi eftir fjórða sigurinn í röð KA sneri taflinu við í seinni hálfleik Gísli lagði upp í Íslendingaslag og Elfsborg vann risasigur Teitur skoraði fimm og Flensburg heldur naumlega í við toppliðin Uppgjörið og viðtöl: Fylkir - Breiðablik 0-2 | Blikar enn með fullt hús Ásdís Karen kom Lilleström á bragðið Kjósa um hvort notkun VAR verði hætt Uppgjörið: Þróttur - Víkingur 0-1 | Þróttarar enn án sigurs Everton boðið neyðarlán til að klára nýja heimavöllinn Gæti haldið áfram eftir allt saman Jens fyllir í stóra skó Sigfúsar Ægis hjá TBR FIFA íhugar að leyfa deildarleiki í öðrum löndum Félagaskiptaglugganum lokað fyrr en vanalega í sumar Sjá meira