Þverneitar að hafa freistast til að fegra ferilskrána Hólmfríður Gísladóttir skrifar 22. mars 2024 06:11 Það stendur ekki á Höllu að svara spurningum um námsferil sinn. Hún sé stolt af náminu sínu og störfum og meira en tilbúin til að ræða þau við hvern sem er. „Alls ekki! Því skyldi ég gera það?“ svarar Halla Tómasdóttir athafnamanneskja og forsetaframbjóðandi ákveðið, spurð að því hvort hún hafi freistast til þess að fegra ferilskrána. Tilefni spurningarinnar eru vangaveltur á samfélagsmiðlum og ábendingar sem bárust fréttastofu þess efnis að það væri maðkur í mysu Höllu og að hún hefði orðið tvísaga um námsferil sinn. „Nei, hún er bara mjög sterk og stendur alveg fyrir sínu,“ ítrekar Halla um ferilskrána og bætir því strax við að hún fagni því að náms- og starfsferill hennar sé rýndur í þaula. Það sem þykir orka tvímælis er að í viðtölum hefur Halla ýmist verið sögð hafa útskrifast frá Auburn University í Alabama eða frá Auburn University at Montgomery. Þegar greint var frá því að hún hefði verið ráðin framkvæmdastjóri Viðskiptaráðs árið 2006 var til að mynda talað um Auburn University at Montgomery í fjölmiðlum en í viðtölum í kringum forsetaframboð Höllu árið 2016 um Auburn University. Sama stjórn er yfir skólunum en þeir eru engu að síður aðskildar rekstrareiningar og Auburn University þykir nokkuð virðuglegri en hinn; hann hefur verið í 90. til 110. sæti á listum yfir bestu háskóla Bandaríkjanna og í 500. til 600. sæti á listum yfir bestu háskóla heims. Auburn University at Montgomery ratar hins vegar ekki á lista yfir höfuð og þá er töluverður munur á inntökuhlutfallinu en yfir 90 prósent umsækjenda komast inn í Auburn University at Montgomery á meðan aðeins um 45 prósent komast inn í Auburn University. Það hjálpar heldur ekki til að þar til í gær, eftir að fréttastofu sendi Höllu skriflega fyrirspurn, stóð á námsferilskrá Höllu á LinkedIn að hún hefði útskrifast frá Auburn University. Námið betra og fótboltinn evrópskur! „Ég hef örugglega alltaf sagt Auburn University Montgomery af því að ég er mjög stolt af því að hafa verið þar; ég var framkvæmdastjóri fyrir fótboltaliðið og er bara mjög stolt af þeim skóla. Þeir voru eiginlega fyrstir til að vera með ekki amerískan fótbolta heldur evrópskan fótbolta,“ segir Halla og þverneitar fyrir að hafa gefið það viljandi í skyn að hún hafi útskrifast úr hinum skólanum. Hins vegar gerist það að menn sleppa einfaldlega „Montgomery“, haldi að það sé bara staðsetningin og láti liggja á milli hluta. Netverjar hafa gert sér mat úr því að Halla hafi ýmist sagst vera með MIM gráðu eða MBA gráðu frá Thunderbird School of Global Management. Halla segir ástæðuna einfalda; nafninu á náminu hafi einfaldlega verið breytt og öllum sem höfðu útskrifast með MIM verið sent nýtt prófskírteini.Getty „Ég hef ekkert verið að reyna að segja að ég hafi verið í Auburn University frekar en Auburn University at Montgomery. Á öllum mínum ferilskrám og alls staðar hef ég alltaf haft það,“ segir Halla. En hvað þá með LinkedIn? „Hólmfríður, ég er nú bara svo tæknilega léleg að þegar ég gerði þessa LinkedIn síðu, sem er örugglega fyrir fimmtán árum síðan, þá var Auburn University at Montgomery ekki kominn inn sem valkostur og ég hafði bara ekki kíkt á þetta aftur síðan. Ég er ekkert að reyna að tengjast öðrum skóla en ef þú vilt setja tenginguna við skólann eða vinnustað, þá þarf hann að vera til í kerfinu.“ Halla er mjög viljug til svara og spyr ítrekað hvort það sé eitthvað fleira sem blaðamanni leikur forvitni á að vita. Þá er henni mjög í mun að halda uppi heiðri Auburn University at Montgomery, sem hún segir alls ekkert síðri skóla þegar blaðamaður reynir að halda því fram. Auburn University at Montgomery hafi verið metinn betri í stjórnun og mannauðssmálum, sem var það nám sem Halla stundaði, en auk þess hafi skólinn haft annað umfram systurskólann. „Ég hef aldrei haft neina ástæðu til að tengja mig frekar við Auburn en Auburn University at Montgomery. Ég held að ég hafi flutt nokkra tugi einstaklinga þar inn til að læra og spila fótbolta og er bara mjög stolt af því,“ segir hún glaðlega. Auburn University hafi aðeins boðið upp á amerískan bolta og það hafi ekki heillað. Halla segir ekki annars að vænta í „lágtraustssamfélagi“ en að þess sé freistað að grafa undan forsetaframbjóðendum. „Ég bara fagna því að það sé haft samband við mann og maður fái að segja sjálfur frá frekar en að það sé kannski einhver orðrómur sem er farið eftir.“ Forsetakosningar 2024 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ólík sýn á hvort Íslandi eigi að styðja vörn Úkraínumanna Innlent „Við höfum ekki séð þetta á Íslandi áður“ Innlent Friðartillaga Ísraela sem Biden kynnti virðist fá hljómgrunn Erlent „Við útrýmum ekki ofbeldi með hatri“ Innlent Skítkast í „skrýtinni og óvæginni“ kosningabaráttu Innlent VÍS þarf að bæta hluta jarðýtu í mannskæðu vinnuslysi Innlent Hefði „slátrað“ dóttur sinni byggju þau í „arabalandi“ Innlent Mótmælin í dag þau hörðustu í mörg ár Innlent Forsetavaktin 2024: Hver verður sjöundi forseti lýðveldisins? Innlent Ný könnun sýnir stefna í æsispennandi kjördag Innlent Fleiri fréttir Ólík sýn á hvort Íslandi eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Lokasprettur fyrir kosningar og umræða um kynbundið ofbeldi Ný könnun sýnir stefna í æsispennandi kjördag Hvar áttu að kjósa í forsetakosningum? Fyrirskipar forsætisráðuneytinu að fara yfir ferla „Heiðurstengt ofbeldi er ekki okkar stærsta vandamál“ Eldgosið í beinni útsendingu Taka aftur við eignum í Grindavík eftir helgi Páll sýknaður Tuttugu sendlar Wolt eiga yfir höfði sér kæru Þorvaldur tekur undir goslokaspá Haraldar Gætu gloprað niður sigrinum eða tryggt sér hann í kvöld Hefði „slátrað“ dóttur sinni byggju þau í „arabalandi“ Viðhald eigna og verðmætabjörgun í Grindavík í dag Piparúða beitt gegn mótmælendum í Skuggasundi Maðurinn sem féll í Fnjóská fannst látinn Lífið brosir við mæðgum eftir áralangt einelti Þakkar fyrir að hafa ekki þurft að beita kylfum Notuðu piparúða á mótmælendur Hvattur til að draga sig til hlés til að klekkja á Katrínu Sérfræðingar í straumvatnsleit aðstoða við leit í Fnjóská Gekk misvel að tala um kvótakerfið á fjörutíu sekúndum á ensku Bjarni fundar með Selenskí í Stokkhólmi Alþjóðasamfélagið sé að klikka á Gasa Sjá meira
Tilefni spurningarinnar eru vangaveltur á samfélagsmiðlum og ábendingar sem bárust fréttastofu þess efnis að það væri maðkur í mysu Höllu og að hún hefði orðið tvísaga um námsferil sinn. „Nei, hún er bara mjög sterk og stendur alveg fyrir sínu,“ ítrekar Halla um ferilskrána og bætir því strax við að hún fagni því að náms- og starfsferill hennar sé rýndur í þaula. Það sem þykir orka tvímælis er að í viðtölum hefur Halla ýmist verið sögð hafa útskrifast frá Auburn University í Alabama eða frá Auburn University at Montgomery. Þegar greint var frá því að hún hefði verið ráðin framkvæmdastjóri Viðskiptaráðs árið 2006 var til að mynda talað um Auburn University at Montgomery í fjölmiðlum en í viðtölum í kringum forsetaframboð Höllu árið 2016 um Auburn University. Sama stjórn er yfir skólunum en þeir eru engu að síður aðskildar rekstrareiningar og Auburn University þykir nokkuð virðuglegri en hinn; hann hefur verið í 90. til 110. sæti á listum yfir bestu háskóla Bandaríkjanna og í 500. til 600. sæti á listum yfir bestu háskóla heims. Auburn University at Montgomery ratar hins vegar ekki á lista yfir höfuð og þá er töluverður munur á inntökuhlutfallinu en yfir 90 prósent umsækjenda komast inn í Auburn University at Montgomery á meðan aðeins um 45 prósent komast inn í Auburn University. Það hjálpar heldur ekki til að þar til í gær, eftir að fréttastofu sendi Höllu skriflega fyrirspurn, stóð á námsferilskrá Höllu á LinkedIn að hún hefði útskrifast frá Auburn University. Námið betra og fótboltinn evrópskur! „Ég hef örugglega alltaf sagt Auburn University Montgomery af því að ég er mjög stolt af því að hafa verið þar; ég var framkvæmdastjóri fyrir fótboltaliðið og er bara mjög stolt af þeim skóla. Þeir voru eiginlega fyrstir til að vera með ekki amerískan fótbolta heldur evrópskan fótbolta,“ segir Halla og þverneitar fyrir að hafa gefið það viljandi í skyn að hún hafi útskrifast úr hinum skólanum. Hins vegar gerist það að menn sleppa einfaldlega „Montgomery“, haldi að það sé bara staðsetningin og láti liggja á milli hluta. Netverjar hafa gert sér mat úr því að Halla hafi ýmist sagst vera með MIM gráðu eða MBA gráðu frá Thunderbird School of Global Management. Halla segir ástæðuna einfalda; nafninu á náminu hafi einfaldlega verið breytt og öllum sem höfðu útskrifast með MIM verið sent nýtt prófskírteini.Getty „Ég hef ekkert verið að reyna að segja að ég hafi verið í Auburn University frekar en Auburn University at Montgomery. Á öllum mínum ferilskrám og alls staðar hef ég alltaf haft það,“ segir Halla. En hvað þá með LinkedIn? „Hólmfríður, ég er nú bara svo tæknilega léleg að þegar ég gerði þessa LinkedIn síðu, sem er örugglega fyrir fimmtán árum síðan, þá var Auburn University at Montgomery ekki kominn inn sem valkostur og ég hafði bara ekki kíkt á þetta aftur síðan. Ég er ekkert að reyna að tengjast öðrum skóla en ef þú vilt setja tenginguna við skólann eða vinnustað, þá þarf hann að vera til í kerfinu.“ Halla er mjög viljug til svara og spyr ítrekað hvort það sé eitthvað fleira sem blaðamanni leikur forvitni á að vita. Þá er henni mjög í mun að halda uppi heiðri Auburn University at Montgomery, sem hún segir alls ekkert síðri skóla þegar blaðamaður reynir að halda því fram. Auburn University at Montgomery hafi verið metinn betri í stjórnun og mannauðssmálum, sem var það nám sem Halla stundaði, en auk þess hafi skólinn haft annað umfram systurskólann. „Ég hef aldrei haft neina ástæðu til að tengja mig frekar við Auburn en Auburn University at Montgomery. Ég held að ég hafi flutt nokkra tugi einstaklinga þar inn til að læra og spila fótbolta og er bara mjög stolt af því,“ segir hún glaðlega. Auburn University hafi aðeins boðið upp á amerískan bolta og það hafi ekki heillað. Halla segir ekki annars að vænta í „lágtraustssamfélagi“ en að þess sé freistað að grafa undan forsetaframbjóðendum. „Ég bara fagna því að það sé haft samband við mann og maður fái að segja sjálfur frá frekar en að það sé kannski einhver orðrómur sem er farið eftir.“
Forsetakosningar 2024 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ólík sýn á hvort Íslandi eigi að styðja vörn Úkraínumanna Innlent „Við höfum ekki séð þetta á Íslandi áður“ Innlent Friðartillaga Ísraela sem Biden kynnti virðist fá hljómgrunn Erlent „Við útrýmum ekki ofbeldi með hatri“ Innlent Skítkast í „skrýtinni og óvæginni“ kosningabaráttu Innlent VÍS þarf að bæta hluta jarðýtu í mannskæðu vinnuslysi Innlent Hefði „slátrað“ dóttur sinni byggju þau í „arabalandi“ Innlent Mótmælin í dag þau hörðustu í mörg ár Innlent Forsetavaktin 2024: Hver verður sjöundi forseti lýðveldisins? Innlent Ný könnun sýnir stefna í æsispennandi kjördag Innlent Fleiri fréttir Ólík sýn á hvort Íslandi eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Lokasprettur fyrir kosningar og umræða um kynbundið ofbeldi Ný könnun sýnir stefna í æsispennandi kjördag Hvar áttu að kjósa í forsetakosningum? Fyrirskipar forsætisráðuneytinu að fara yfir ferla „Heiðurstengt ofbeldi er ekki okkar stærsta vandamál“ Eldgosið í beinni útsendingu Taka aftur við eignum í Grindavík eftir helgi Páll sýknaður Tuttugu sendlar Wolt eiga yfir höfði sér kæru Þorvaldur tekur undir goslokaspá Haraldar Gætu gloprað niður sigrinum eða tryggt sér hann í kvöld Hefði „slátrað“ dóttur sinni byggju þau í „arabalandi“ Viðhald eigna og verðmætabjörgun í Grindavík í dag Piparúða beitt gegn mótmælendum í Skuggasundi Maðurinn sem féll í Fnjóská fannst látinn Lífið brosir við mæðgum eftir áralangt einelti Þakkar fyrir að hafa ekki þurft að beita kylfum Notuðu piparúða á mótmælendur Hvattur til að draga sig til hlés til að klekkja á Katrínu Sérfræðingar í straumvatnsleit aðstoða við leit í Fnjóská Gekk misvel að tala um kvótakerfið á fjörutíu sekúndum á ensku Bjarni fundar með Selenskí í Stokkhólmi Alþjóðasamfélagið sé að klikka á Gasa Sjá meira